Gester Abig hett es mega cools Casino stattgfunde. Mir hend chöne verschiedeni Sache spiele und Geld gwüne. Mit dem Geld hemer Snacks oder sogar Pünkt chöne chaufe. Am nächste Morge simer früeh gweckt worde und hend uf em Platz une Morgesport gmacht. Nachher hemer Zmorge gesse. D Chuchi het selber Brot bache. Denn hemer Ämtli gmacht und nachher hemer de zweiti Teil vom Spez gmacht, wo mer prüeft worde sind. Nach em Spez hets Zmittag geh; Salät und Grilliertes. Nach de Ämtli hemer e chli Freiziit gha. Nachher isch de Dionysos cho und het sich über sin Wii beschwert. Mir hend i Gruppene en Wii für ihn müsse mache mit Trube, Wasser und Zucker und es schöns Etikett für d Fläsche. Am Schluss het ei Gruppe gwunne. Nach e chli Freiziit hemer en Sportblock gha. Mir hend Hotelfangis, Kommando und Fläschespiel gspillt. Denn hets Znacht geh. Es het namal Salat und selbstgmachti Spätzli mit Rahmsosse ghe, Danke a d Chuchiii!!!

Farffallina, Caillou, Tazay, Delicia & Ace