Vorgester Abig hemmer Spiili, wie z.B. 15, 14, mit de Artemis und em Poseidon gspillt. Denn simmer is Bett gange und mit autogenem Training go schlafe. Am 1 simmer wieder gweckt worde will d Hera vom Osiris entführt worde isch. De Osiris het nämlich welle de neui Gott werde und hets nöd okay gfunde dass en Sterblich het chöne Gott werde. Drum simmer in Wald gange und hend müse einzeln amene Liechtliweg folge. Nachdem alli fertig gsi sind hemmer d Hera und de Osiris gfunde und denn hend de Zeus und er es Dance Battle gmacht. De Günner het d Hera übercho und derfe entscheide was mitem leere Platz ufem Olymp passiert. Natürlich het de Zeus gunne und mir hend wieder chöne heigah. Zrugg im Huus hets denn no Gaggi und Bisi geh.

Am nöchste Morge hemmer Yoga als Morgesport gmacht und denn hets mega feine Brunch geh. Denach hemmer bim Wellness-Block chöne entspanne. Es het en Massage-Poste, en Handpeeling- und Gsichtsmaske-Poste und en Spiili-Poste geh. Am 4i simmer ufe in Wald zum es GS spille wo mer eus hend müse euse Znacht verdiene und choche. 

Am Abig hets es Reaktionsspiili geh und denn isch verkündet worde wer de neui Gott isch; de Nitro. Am Schluss hemmer no es Quali-Pack und hesch mi gern gspillt.

Hüt am Morge hemmer packt und alles butzt und sind denn zum Bahnhof gloffe zum wieder uf Küsnacht fahre.

Zazou, Delicia, Yupi, Caillou, Vikunja , Shirocco & Pitschi