Tagebuch 3.8:

Nachere Reste-Essensparty isch es grad wiitergange mitere Zahputzparty. Denn hemer all euse Schlafsack derfe hole und hend zeme no paar Gschichtli underem Sarasani glost. Dadruf simer denn all schnell igschlafe.
Am negste morge simer mit Musig gweckt worde und nachem Zmorge isches miteme Postelauf wiitergange. Mer hend nachenand Gallier 2000, Fläsche-Spiel, Nagellack, Henna, Bändeli chnüpfe, Black stories und Times up gspielt.
Denn hets scho Sweet&Sour zum Zmittag geh und denn hemmer bis zum Znacht Freiiziit gha und so nomal d Möglichkeit becho alles z mache wo mer im BuLa no unbedingt hend wele erlebe. Die einte sind in Chlettergarte die andere zude Post oder hend es Vogelhüsli baue. All hend viel erlebt, doch leider hemer ned in Escape Room chene will mir zviel gsi sind. Defür hemer denn es anders Game chene spiele und dur das hemer sogar Söcke gwunne. Nach some Namittag simer all mit hungrigem Magge go esse und freued eus jetzt ufs Abigprogramm.