Hüt nach em Zmorge hend eus d‘Leiter gseit, das es hüt e megacooli Fuessball-Olympiade git. Für das hend mer aber vier Teams brucht und zwar: Fischers Fritz, Nashorn, Miauu und Schlängli. Jedes Team het nacher sis eigene Trikot designt. Nach eme feine Zmittag hets endlich agfange. Jedi Gruppe het vier Mal gspilt. Im Final hend Nashorn gege Schlängli gspilt und als Gwünner isch Nashorn usecho. Nacher hend mer Freiziit gha, doch leider hets scho bald mega fest afange rägne. Wils so fest gregnet hät, hend mer euse Risotto im Vorzelt müsse ässe. Zum Glück hets nach eme Ziitli wider ufghört und mir hend Fläschespil und Speeddating gspilt. 28.7