Hüt am 14:45 hend mir Ahtrette fürs BuLa gha. Mir sind mitem Zug vom Bahnhof Küsnacht, bis zum HB gfahre und vo dete us bis Göschenen. Ufem Weg sind eus villi Pfadis begegnet und sind mit eus Richtig Lagerplatz gfahre. Endlich acho, isch e riesigi Zeltstadt im ganze Tal vo Obergoms ufbout gsi. Überall hets vo Pfadis und bunte Krawatte gwimmlet.
Nach de Zeltihteilig und em Ipuffe hets spaat no Znacht geh. Nachher ghats grad is Bett, mit vill Vorfreud ur morn.